Spíran er bjartur og fallegur veislusalur í nýju húsi Garðheima við Álfabakka 6. Á daginn er þar rekin veitingastaður.

 

 

Góð lofthæð og mikill gróður einkenna salinn. Bambusljós og pálmatré búa til suðræna stemningu.

 

Í veislur er gengið inn um sér inngang frá bílastæði við hliðina á húsinu.

 

Salurinn er mjög rúmgóður og tekur 110 manns í sitjandi borðhald og hægt er að raða upp borðum á fjölbreyttan hátt, til dæmis sem langborð eða 8 manna borð, með eða án dúka. Einnig er hægt að raða upp stólum í leikhúsuppstillingu fyrir menningarviðburði og athafnir.

 

Fyrir miðjum sal er stórt framreiðsluborð fyrir matarveitingar og drykki. 

 

Salurinn er eingöngu leigður út með veitingum og sér veisluþjónusta Kokkarnir um veitingar í salnum.

 

Á sumrin er hægt að opna út á verönd aftan við húsið þar sem hægt er að njóta kvöldsólarinnar.

 

Spíran hentar fyrir brúðkaup, árshátíðar, fyrirtækjaskemmtanir, vorfagnaði, afmæli, fermingarveislur, jólahlaðborð.